Dit is met groot dankbaarheid dat Mukhanyo Teologiese Kollege die deeltydse aanstelling van Professor Henk Stoker, met ingang van Januarie 2026, kan aankondig. Hierdie aanstelling weerspieël die Kollege se voortdurende verbintenis tot akademiese uitnemendheid en die toerusting van studente vir getroue en doeltreffende bediening.
Professor Stoker sal ’n sleutelrol speel in die ontwikkeling van ’n apologetiek-trajek vir Mukhanyo se twee Hoër Sertifikaatprogramme, deur die groeiende behoefte aan opleiding oor hoe om dwaalleer in ons samelewing en die effektiewe weerlê daarvan aan te spreek. Sodoende kan studente ’n stewige grondslag kry om die Christelike geloof in vandag se komplekse kulturele en intellektuele konteks te verdedig en uit te dra.
Hy sal ook bydra tot die ontwerp en aanbied van kursusse binne die Baccalaureus in Teologie (BTh) en Honneursprogramme, en sy kundigheid en ervaring gebruik om die Kollege se breër teologiese kurrikulum te versterk.
Professor Stoker, ’n gerespekteerde akademikus en praktisyn, bring ’n rykdom van kennis in teologie, apologetiek, etiek en akademiese onderrig mee. Hy was vir 13 jaar ’n dosent aan die Fakulteit Teologie van die Noordwes-Universiteit en is steeds as buitengewone navorser betrokke by die begeleiding van M & D studente. Sy spesialiteitsrigting die afgelope 30 jaar is in die veld van uitreik na kultes en ander dwaalleer.
Sy aanstelling versterk Mukhanyo se fokus om kerkleiers, onderwysers en studente toe te rus om met Skrif, kultuur en samelewing te werk met wysheid en oortuiging.
Mukhanyo Teologiese Kollege is innig dankbaar teenoor ons Here vir aanstelling en bid dat Hy Professor Stoker voortreflik sal gebruik in die diens van die Koninkryk, met ’n impak op beide studente en die breër Christelike gemeenskap in Afrika en verder.
